ओली समूहका सांसद उपस्थित नहुँदा सभाको बैठक सुरु हुन ढिला

विराटनगर । सत्तारुढ नेकपाको ओली समूहका सांसद उपस्थित नहुँदा प्रदेश १ सभाको बैठक सुरु हुन ढिला भएको छ ।ब दिउँसो २ बजेका लागि बोलाइएको बैठक अझै सुरु हुन सकेको छैन ।

संसद् सचिवालयले मुख्यमन्त्री शेरधन राईविरुद्ध १२ पुसमा दर्ता भएको अविश्वासको प्रस्ताव बैठकमा पेस गर्ने कार्यसूची तय गरेको छ । सत्तारुढ दलका सांसद उपस्थित नभए बैठक बस्ने-नबस्नेबारे सचिवालयले निणर्य गरिसकेको छैन ।

यसअघि मुख्यमन्त्री राईपक्षीय सांसदले अवरोध गरेका कारण बैठक कार्यसूचीमा प्रवेश नगरी स्थगित भएको थियो ।